Në Bruksel është duke u zhvilluar takimi i presidentit të Serbisë, Aleksandar Vuçiq, me Përfaqësuesin e Lartë të Bashkimit Evropian për Politikë të Përbashkët të Jashtme dhe Siguri, Josep Borrell dhe Përfaqësuesin Special të Evropës për Dialog, Miroslav Lajçak, përcjell Gazeta Online Reporteri.net.
Para këtij takimi, dy zyrtarët evropianë kanë zhvilluar një takim me kryeministrin e Kosovës, Albin Kurti.
Takimi i përbashkët mes Vuçiqit dhe Kurtit pritet të fillojë në ora 17:15.
Në Bruksel, ka arritur edhe i dërguari special i SHBA-së për Ballkanin Perëndimor, Gabriel Escobar. Ky i fundit pritet të jetë prezent edhe në takimin trepalësh me Kurtin, Borrellin dhe Vuçiqin.
Escobar arrin në ndërtesën ku po zhvillohen takimet e Kurtit dhe Vuçiqit me Borrellin e Lajçakun
Pas këtyre takimeve, përfaqësuesi i Lartë i Bashkimit Evropian për Politikë të Përbashkët të Jashtme dhe Siguri, Josep Borrell do të deklarohet para mediave.
Liderët pritet të konfirmojnë se e pranojnë planin evropian në takimin e 27 shkurtit, para ndërmjetësve të Bashkimit Evropian.
Kjo do të ishte marrëveshja e dytë e palëve në dialog, pas marrëveshjes së Brukselit të arritur në prill 2013./Reporteri.net/
Reporteri.net është gazetë online e lajmeve nga vendi dhe bota. Qëllim kryesor ka informimin e drejtë, të paanshëm dhe të shpejtë. Reporteri.net, në pronësi të “R Media L.L.C.”, është themeluar në mars të vitit 2019 dhe drejtohet nga gazetarët Bekim Kabashi dhe Mentor Gjergjaj.
E-Mail: info@reporteri.net
Marketing: marketing@reporteri.net
Adresa: Rr. UÇK, Nr. 102/11 10000 Prishtinë, Kosovë
