Ministria e Shëndetësisë edhe një herë i ka bërë thirrje gjatë ditës së sotme qytetarëve që të vazhdojnë të vaksinohen me dozën e radhës kundër Covid-19, shkruan Gazeta Online Reporteri.net.

Në një njoftim në Facebook, Ministria e Shëndetësisë bën të ditur se dozat përfocuese janë në dispozicion për qytetarët dhe ata mund të vaksinohen në njësinë më të afërt në komunën e tyre.

Njoftimi:

Instituti Kombëtar i Shëndetësisë Publike i Kosovës ka bërë të ditur se gjatë 24 orëve të fundit, në Kosovë janë regjistruar 49 raste të reja të COVID-19. Ndërkohë, numri i rasteve aktive është 236.

U rikujtojmë qytetarëve se vaksina kundër COVID-19 mbetet mënyra më e mirë dhe efikase për të parandaluar rritjen e rasteve të reja, për të rivendosur imunitetin që mund të dobësohet me kalimin e kohës dhe për të evituar format e rëndë të sëmundjes.

Ministria e Shëndetësisë u bën thirrje qytetarëve që të vazhdojnë të vaksinohen me dozën e radhës dhe dozën përforcuese të vaksinës kundër COVID-19.

Dozat përforcuese bivalente kundër COVID-19 janë në dispozicion dhe qytetarët mund të vaksinohen në njësinë më të afërt të vaksinimit në komunën e tyre.