Kryetari i AAK-së, Ramush Haradinaj ka takuar sot përfaqësuesit e Këshillit Atlantik, udhëhequr nga z. Jörn Fleck, drejtor i lartë për Evropë Qendrore. Në profilin e tij në facebook, Haradinaj tregoi se ka shprehur orientimin e natyrshëm euro-atlantik të Kosovës, dhe synimin që të jemi pjesë e barabartë e aleancës së shteteve të NATO-s, udhëhequr nga ShBA-të.

Njoftimi i plotë i Haradinajt:

Pata kënaqësinë të takoj, z. Jörn Fleck, drejtorin e lartë për Evropë Qendrore të Atlantic Council me seli ne Washington. Shpreha vlerësimin tim për punën qe Atlantic Council e bën në funksion të agjendës integruese euro-atlantike.

Theksova edhe njëherë orientimin tonë të natyrshëm euro-atlantik dhe synimin që të jemi pjesë e barabartë e aleancës së shteteve të NATO-s, udhëhequr nga ShBA-të.

Alternativa jonë strategjike është anëtarësimi në NATO, si kontribut për sigurinë nacionale, paqen në rajon dhe përballimin e kërcënimeve dhe sfidave./Reporteri.net./