Deputeti i AAK-së, Bekë Berisha në seancën e sotme të Kuvendit ku po vazhdon diskutimi për punën dy vjeçare të Qeverisë Kurti është ankuar për kushtet në Kuvend.

Berisha i është ankuar kryeparlamentarit, Glauk Konjufca duke thënë se sallës ku mbahet seanca i mungon ajrosja.

“Po na merr gjumi kur po himë brenda në Kuvend për shkak se nuk po ka ajër”, tha ndër të tjera Bekë Berisha, shkruan Reporteri.net.

Ai tutje i rikthye temës duke folur për punën dy vjeçare të Qeverisë Kurti, të cilën e quajti Qeveri të dështuar.

“Besoj se kjo Qeveri është më e dështumja najher, nuk ka hapësirë as me diskutu, me ju as me ju kritiku. Qysh ka mundësi del një deputet jep disa shifra, e del ministrja jep tjera shifra. Unë nuk du me zgjatë më shumë. Është e vërtetë që LDK-në e ka marrë Lumi, e PDK-në e ka marrë Memli, po një gjë e di VV-në e ka marrë Vjosa e një dreq e di ku keni me u nalë.

Ai pati edhe një koment në distancë për deputetin e VV-së, Dimal Basha.

“Dimal kur të flasë unë ti vetëm e kqyrë kompjuterin, ti je djalë i mençëm”, tha Bekë Berisha. /Reporteri.net/