Ambasadori i Serbisë në Washington, Marko Gjuriq pretendon se kryeministri i Kosovës, Albin Kurti për shumë zyrtarë amerikanë “është pjesë e problemeve, jo e zgjidhjeve”.

Gjuriq tha amerikanët nuk e harrojnë faktin që “Vetëvendosje organizoi përmbysjen e një kamioni me Coca-Cola vetëm se ishte prodhuar në Zemun”.

“Ne nuk e prezantojmë veten si miq të askujt, më së paku shërbëtorë, por si njerëz që duan një marrëdhënie të shëndetshme dhe normale. Kurti u perceptua si dikush që nuk dëshiron të respektojë as marrëveshjen e Brukselit dhe as të Washingtonit dhe për shumë zyrtarë amerikanë, jo të gjithë, ai është pjesë e problemeve, jo e zgjidhjeve”, tha Gjuriq për TV Happy.

“Kurti definitivisht nuk e ka monopolin e marrëdhënieve të mira me Amerikën në rajon, dhe kjo është e thënë butë”, tha ndër tjerash ambasadori serb.