Zëdhënësja e LDK-së, Sibel Halimi, ka reaguar pas vrasjes në Pejë ku djali dyshohet të ketë vrarë nënën e tij.

Halimi ka thënë se rasti në Pejë është alarm për shoqërinë dhe institucionet që të lëvizin nga dënimi vetëm në rrjete sociale.

“Nga gjuha denigruese e misogjene deri te vrasjet, ky është realiteti. Por fatkeqësisht po na mungon adresimi, ndëshkimi dhe përkrahja e viktimave.  Rasti i vrasjes së gruas në Pejë, të dridh në shpirt; alarm për këtë shoqëri e këto institucione, që të lëvizin nga parimi i dënimit verbal të rasteve në rrjete sociale e media. Në të kundërtën dhuna dhe vrasjet kanë filluar të shndërrohen në përditshmëri deri në normalizim”, ka shkruar Halimi, përcjell Reporteri.net.

I dyshuari për vrasjen tragjike në Pejë ndalohet për 48 orë

Ndër të tjera, Halimi ka bërë thirrje për një qasje shumë dimensionale të institucioneve për parandalimin e dhunës në familje.

“Shoqëria kosovare përditë po tronditet nga dhuna e vrasjet, ndërsa nuk ndërmerret asnjë hap drejt ndryshimit të mendësisë dhe politikave ndëshkimore. Institucionet e shtetit, urgjentisht duhet të mendojnë për një qasje shumë dimensionale për luftimin dhe parandalimin e dhunës në familje. Tashmë nuk kemi të bëjmë me raste të izoluara, por për një plagë shoqërore thellësisht strukturore të dhunës së fshehur brenda psikologjisë shoqërore.”, shtoi zëdhënësja e LDK-së./Reporteri.net./

Postimi i plotë:

Pamje nga vendi i ngjarjes në Pejë ku ndodhi krimi i rëndë