Katër persona, përfshirë tre shtetas gjermanë, vdiqën në malet e Zvicrës këtë fundjavë në rrethana që ende po sqarohen.

Dy burra gjermanë humbën jetën të shtunën në mëngjes ndërsa po ngjiteshin në malin e Dent Blanche në mbi 4 mijë metra në kantonin Valais.

Në skenë u dëshmuan alpinistë të tjerë që thirrën shërbimet e shpëtimit, por personat në fjalë u gjetën të vdekur. Për këtë rast është hapur një hetim për të përcaktuar se çfarë ka ndodhur.

Në kantonin Graubünden, një grua 30-vjeçare gjermane ra gjithashtu ndërsa u përpoq të ngjitej në malin e Fiamma në Vicosoprano, shkruan Swissinfo, përcjell albinfo.ch.

Gruaja ra rreth 100 metra dhe nuk ishte më gjallë kur helikopteri i shpëtimit e gjeti atë.

Gjithashtu të shtunën në kantonin Graubünden, një alpinist 66-vjeçar u gjet i vdekur në rajonin Monte Laura në Rokeno pasi gruaja e tij ngriti alarmin.

Vlerësimi i policisë është se ai ra rreth 80 metra poshtë një pjerrësi.