Debutimi i portierit të Kombëtares së Kosovës, Arijanet Muriq, në Championship te skuadra e Nottingham Forestit, ishte një tmerr për të, e në fund edhe për skuadrën e tij.

Me dy reagime të dobëta të tij, pësoi dy gola dhe kjo bëri që Nottinghami të shtunën të pësojë humbje 2:1 në shtëpi nga Ëest Bromëichi, ndonëse kishte kaluar në avantazh qysh në minutën e tetë.

Muriq si në golin e parë ashtu edhe në të dytin nuk reagoi mirë dhe kjo ka bërë që tifozët të kërkojnë kthimin e portierit rumun, Costel Pantilimon, si titullar.