Blerand Stavileci është zgjedhur kryetar i Klubit të Basketbollit Prishtina për katër vitet e ardhshme.

Lajmi është konfirmuar nga faqja zyrtare e klubit më të trofeshëm të basketbollit në Kosovë.

Stavileci ishte ushtrues i detyrës së kryetarit, ndërsa tani u zgjodh unanimisht me mandat të plotë.

“Blerandi, zgjedhet Kryetar i Klubit edhe për 4 vjet. Sonte u mbajt Kuvendi i Punës dhe Zgjedhor i Klubit të Basketbollit Sigal Prishtina”.

“Blerand Stavileci, deri më sot si Ushtrues Detyre i Kryetarit, me të gjitha votat e kuvendarëve unanimisht u zgjodh Kryetar i KB Sigal Prishtina me mandat të plotë”.

“Blerandi është ish lojtar, kapiten dhe drejtor i klubit. Klubi ynë i ka arritur sukseset më të mëdha gjatë periudhës sa ai ishte kryetar. Nga të gjitha klubet e Kosovës është i vetmi që ka trofe të fituar edhe si kryetar, edhe si drejtor edhe si lojtar”, thuhet në njoftimin zyrtar të KB Prishtinës.