Kryetari i Kuvendit të Kosovës, Kadri Veseli, ka kërkuar që të rritet kujdesi i shoferëve në komunikacion.

Kosova ka pasur shifra të tmerrshme të aksidenteve viteve të fundit.

“Ditëve të fundit mediat janë mbushur me lajme të hidhura për aksidente fatale nëpër rrugët e Kosovës. Sipas Policisë së Kosovës, 52 persona kanë humbur jetën që nga janari i vitit 2019 si pasojë e aksidenteve rrugore, kurse qindra të tjerë janë lënduar”, ka shkruar Veseli në llogarinë e tij në Facebook.

“Prandaj miq të dashur, ju bëj thirrje që të respektoni sa më shumë rregullat e sigurisë rrugore. Ju lutem të ulni shpejtësinë, vendosni rripin e sigurimit, shmangni përdorimin e telefonave mobil dhe ajo që është më e rëndësishme, mos pini kur keni për të vozitur”./Reporteri.net/