Hugh Edwards është prezantuesi i BBC-së që e ka paguar një adoleshent për fotot seksuale për të cilat të gjitha mediat botërore raportuan javën e kaluar.

Me këtë rast, identitetin e tij e ka treguar gruaja e tij, e cila ka deklaruar se bashkëshorti i saj “vuan nga probleme serioze mendore” dhe se tani po “merr kujdes spitalor, me të cilin do të qëndrojë në përputhje deri në njoftimin e dytë”, transmeton BBC.

Bashkëshortja e tij, Vicky Flind, tha se tani, pas gjithçkaje, ajo po kërkon privatësi për familjen e saj në mënyrë që të vazhdojë të përballet me situatën. Në një deklaratë që Field ka dhënë për agjencinë e lajmeve PA, thuhet se ajo po flet për gjithçka pas pesë ditëve jashtëzakonisht të vështira në të cilat u gjend familja e saj.

Sipas faqes së internetit të BBC, Hugh Edwards 61 vjeç ka punuar për katër dekada, dy prej tyre si prezantues kryesor i lajmeve qendrore të BBC-së në orën dhjetë. Sipas tyre, ai i komunikoi britanikëve shumë lajme kyçe dhe të rëndësishme, duke përfshirë funeralin e Mbretëreshës Elizabeth, dasmën e Princit William dhe Kate, Princit Harry dhe Meghan, Jubileun e Diamantit dhe Platinit të Mbretëreshës, inaugurimin e Presidentit të SHBA-së, Barack Obama dhe vdekjen e Nelson Mandelës./Euronews.al