Presidenti i Kenisë, William Ruto, ka shkruar për takimin që pati sot në Neë York me Presidenten e Kosovës, Vjosa Osmani.

Ruto përmes një njoftimi ka dhënë mesazhe për dialogun. Dhe, ndonëse ende nuk e njohin Kosovën, ai i është referuar si shtet më vete, shkruan Reporteri.net.

Keniani Ruto beson se dialogu do të çojë në një zgjidhje të favorshme për të dy shtetet, Kosovën dhe Serbinë.

“Kenia vlerëson iniciativën e përbashkët të Bashkimit Evropian dhe Kombeve të Bashkuara për të gjetur një përgjigje të përhershme për grindjet ndërmjet Kosovës dhe Serbisë. Ne besojmë se kjo përpjekje bashkëpunuese premton për një rezultat të favorshëm për njerëzit e të dy vendeve”, ka shkruar ai.

Kenya appreciates the joint initiative by the European Union and the United Nations to permanently find an answer to the contention between Kosovo and Serbia. We believe this collaborative effort holds promise for a win-win outcome for the people of both countries.

With Kosovo… pic.twitter.com/lZhcQkqPb5

— William Samoei Ruto, PhD (@WilliamsRuto) September 18, 2023

Ndërkaq siç bëri të ditur Presidenca, në këtë takim, Presidentja Osmani e ka falënderuar homologun Ruto pas vendimit të Kenias për njohjen e pasaportave të Republikës së Kosovës.

Në të njëjtën kohë, Osmani ka shtruar nevojën e thellimit të marrëdhënieve diplomatike në të mirë të qytetarëve dhe shteteve. /Reporteri.net/.