Wolverhampton Wanderers e ka ndalur Manchester Unitedin në xhiron e dytë në Ligën Premier, derisa ndeshja përfundoi 1-1.

Ekipi nga “Old Trafford” kaloi i pari në epërsi përmes golit që shënoi Anthony Martial në minutën e 27-të nga asistimi që pranoi nga Marcus Rashford me të cilin rezultat përfundoi edhe pjesa e parë.

Ishte minuta e 55-të kur Ruben Neves e shënoi një gol të mrekullueshëm nga distanca, pas asistimit që mori nga Joao Moutinho.

Mirëpo, Manchester United e kishte shansin që ta rikthente epërsinë me penalltinë e fituar nga Paul Pogba (68’), por Rui Patricio e priti atë gjuajtjen e francezit.

Pas xhiros së dytë, skuadra nga qyteti i Manchesterit renditet në vendin e katërt me katër pikë, po aq sa ka edhe City në vendin e tretë, ndërsa Livepool dhe Arsenali ndajnë pozitën e parë me gjashtë pikë.