Përafërsisht 2.000 trupa amerikane janë përgatitur për të pranuar urdhra për mbështetje të mundshme ndaj Izraelit, thotë një zyrtar i mbrojtjes për NBC News.

Ata nuk do të shkojnë askund ende, as domosdo në Izrael ose Gaza, mirëpo nëse u jepen urdhra atëherë do dislokohen në një vend të afërt për t’u përgatitur për ta mbështetur Izraelin, transmeton Reporteri.net.

Këta trupa kishin marrë urdhër gatishmërie 96-orësh dhe tani janë në një njoftim 24-orësh.

Në këtë numër ushtarësh, janë të inkuadruar trupa me aftësi të ndryshme, duke përfshirë mbështetjen mjekësore, ekspertët e eksplozivëve dhe të tjerë.

Sekretari i Shtetit, Antony Blinken, u kthye në Izrael të hënën – vizita e tij e dytë në më pak se një javë – pas një turi të stuhishëm në gjashtë shtete arabe duke synuar të parandalojë zgjerimin e luftës në Lindjen e Mesme.

Blinken u takua me Netanyahun, kryeministrin izraelit, për të riafirmuar vendosmërinë e SHBA-së që t’i ofrojë Izraelit gjithçka që nevojitet për të mbrojtur qytetarët e tij. /Reporteri.net/.

Alarm për bomba, Blinken dhe Netanyahu strehohen në bunker