Policia e Kosovës sot ka vënë në pranga Edon Bujupin, i cili dyshohet se vrau vjehrrin e tij, mbrëmjen e së mërkurës.

Nga Policia e Kosovës kanë konfirmuar për Reporteri.net se i dyshuari është arrestuar sot.

“Sot nga njësiti i hetimeve të përgjithshme është siguruar prezenca e personit të dyshuar për vrasjen që ka ndodhë me datën 29.11.2023, në lagjen Emshir në Prishtinë.

Ndaj të dyshuarit E.B. mashkull, po kryhen procedurat e nevojshme policore” , kanë thënë nga Policia e Kosovës.

Bujupi dyshohet se në mbrëmjen e 29 nëntorit ka therur me thikë babanë e gruas, 52 vjeçar në rrugën “Ali Vitia”, në Prishtinë.

Pas kryerjes së aktit ai është ikur nga vendi i ngjarjes dhe nga ajo kohë ka qëndruar në arrati. /Reporteri.net/

Ky është 29 vjeçari që dyshohet se vrau mbrëmë babanë e gruas së tij – kjo e fundit para disa ditësh e kishte raportuar të zhdukur në polici