E ardhmja e Ousmane Dembeles në Barçë është koklavitur edhe më shumë të martën. Francezi, për të cilin thuhet se do të përfshihet në marrëveshje për Neymarin, e ka fshirë Barcelonën nga çdo llogari e vetja në rrjetet sociale.

Barcelona është në bisedime me Paris Saint-Germain për Neymarin, dhe parisienët duan që në marrëveshje të përfshihet Dembele. Anësori francez ka dhënë indikacione të qarta se mund të largohet nga Camp Nou këtë verë.

Dembele, i cili është i lënduar momentalisht, pritet të ndëshkohet nga klubi sepse kishte refuzuar t’i nënshtrohej testeve mjekësore dhe këto mund të jenë ditët e fundit të tij si lojtar i Barçës.

Edhe pse 22-vjeçari ende ka fotografi me fanellën e Barçës, ai e ka larguar Barcelonën nga përshkrimi i tij në Instagram.

Efectivamente, Dembélé ha quitado Barcelona de su bio en Instagram ? pic.twitter.com/Gug5Lfw5ww

— ɱ. (@Mdm1H) August 26, 2019