Interi e ka huazuar edhe zyrtarisht mbrojtësin e majtë të Fiorentinës, Cristiano Biraghin, me opsion për ta blerë përfundimisht në fund të sezonit.

Biraghi konfirmoi mbrëmë se e ka realizuar kalimin e ëndërruar në Inter, por vetëm sot në mëngjes është zyrtarizuar transferimi i tij, transmeton Gazeta Express.

26-vjeçari rikthehet në San Siro përkohësisht për pjesën e mbetur të sezonit që sapo ka filluar.

Por, zikaltrit e kanë mundësinë për ta blerë atë përfundimisht për 12 milionë euro në fund të sezonit.

Besohet se ai është pajtuar të nënshkruajë kontratë pesëvjeçare me pagë vjetore rreth 2 milionë euro me Interin.

Biraghi është nga qyteti i Milanos dhe karrierën e kishte nisur në akademinë e Interit, para se të shitej në Pescara më 2016.

Ai u rrit në një lojtar fantastik në dy sezonet e fundit me Fiorentinën, duke e marrë edhe ftesën për të luajtur për Kombëtaren e Italisë gjatë kësaj kohe.

🚨 | ANNUNCIO

🖤💙 È tornato a casa 🏠@Cris_Biraghi è dell'Inter!

I dettagli 👉 https://t.co/wBhkpu7nzc #WelcomeCristiano pic.twitter.com/0w0feBMvQd

— Inter (@Inter) August 29, 2019