Trupi i figurës kryesore të opozitës ruse Alexei Navalny i është kthyer nënës së tij, raporton BBC.

Në një postim në X, zëdhënësja e Navalny, Kira Yarmysh falënderoi të gjithë ata që kishin kërkuar kthimin e trupit të tij.

“Funerali nuk është bërë ende”, ka shkruar ajo.

“Ne nuk e dimë nëse autoritetet do të ndërhyjnë që funerali të kryhet ashtu siç dëshiron familja dhe siç e meriton Alexei”, shkroi ajo.

Gjatë ditës, e veja e Navalny, Julia, akuzoi Vladimir Putinin se mbante “peng” trupin e burrit të saj të ndjerë dhe kërkoi lirimin e tij pa kushte.

Ajo akuzoi sërish presidentin rus se qëndron pas vdekjes së bashkëshortit të saj.

Kremlini i ka mohuar akuzat, duke e quajtur reagimin perëndimor ndaj vdekjes se Navalnyt si “histerike”.

Navalny vdiq më 16 shkurt në një burg rus brenda Rrethit Arktik. /Reporteri.net/