Policia e Kosovës ka publikuar fotografitë e dy të dyshuarve për vepra penale.

Personbi i parë është një grua që dyshohet për “Shpërdorim i pasurisë së huaj” dhe “Keqpërdorim të kartelave bankare”.

“E dyshuara kërkohet për përfshirje në një rast, Shpërdorim i pasurisë së huaj dhe keqpërdorim i kartelave bankare , që është raportuar në polici në janar të vitit 2024.”

Ndërsa personi i dytë dyshohet për “Mashtrim” dhe “Falsifikim i dokumenteve”.

“Njësiti i hetimeve të stacionit policor Jugu në Prishtinë, me autorizim nga prokuroria kompetente, kërkon ndihmë nga qytetarët në ofrimin e informatave, të cilat do të ndihmonin në identifikimin dhe arrestimin e personit që shihet në fotografi. I dyshuari kërkohet për përfshirje në një rast të mashtrimit si dhe për falsifikim të dokumenteve.”

“Të nderuar, për çdo informatë që mund të çojë në identifikimin e personit apo vendodhjes së tij, kontaktoni policinë në numrin e telefonit: 192.”