Futbollistët shqiptarë po vazhdojnë të shkëlqejnë me skuadrat e tyre në kampionat zviceran

Baseli mposhti me rezultat 2-1 Luganon, në një ndeshje ku nga minuta e parë startuan, Taulant Xhaka e Kemal Ademi, derisa Edon Zhegrova u inkuadra në lojë në minutën e 75-të, shkruan Reporteri.net

Ademi ishte golashënues i dyfishtë për Baselin në ndeshjen kundër Luganos.

Ermir Lenjani ia ka siguruar tre pikë të arta Sionit në udhëtim te Thun, ndërsa asistin e golit e bëri një tjetër shqiptar, Pajtim Kasami.

Idriz Voca ka qenë 90 minuta në fushë për Luzernin në barazimin 2-2 me Young Boys, derisa në këtë takim mesfushori i Kombëtares së Kosovës dhuroi një asist.

Ndryshe, duhet kujtuar se Kemal Ademi është golashënuesi i dytë më i mirë në kampionat me 5 gola në gjashtë xhirot e zhvilluara deri më tani. /Reporteri.net/