Neymar ishte aq shumë i dëshpëruar për t’u larguar nga PSG në drejtim të Barcelonës saqë ishte i gatshëm të paguante hiç më pak se 20 milionë euro nga gjepi i tij.

Braziliani kërkonte me ngulm të gjente një rrugë që të largohej nga Parisi gjatë kësaj vere, duke mos u ambientuar as në fushë e as jashtë saj që prej kalimit të tij për shumën rekorde të 222 milionë eurove, shkruan Reporteri.net

Sipas Sky Sports, 27-vjeçari ishte aq shumë i dëshpëruar t’i ribashkohej Barcelonës saqë ai ofroi para nga gjepi i tij për të arritur marrëveshjen.

Barcelona dhe rivali jetësor i tyre, Real Madridi ishin në garë për t’i siguruar shërbimet e brazilianit, por në fund të dy palët dështuan për të bërë ndonjë marrëveshje.

Neymar ka njoftuar klubin se do të qëndrojë edhe këtë sezon në Paris./Reporteri.net/