Policia e Kosovës ka njoftuar për arrestimin e dy personave gjatë ditës së djeshme në Pejë.

Sipas policisë, në periudhën tetor-nëntor 2023, njëri nga të dyshuarit i kishte dhënë tjetrit para që të kryente një vrasje ose të shkaktonte dëme të mëdha materiale.  Që të dy të dyshuarit janë dërguar në mbajtje.

“Pejë Tetor-Nëntor 2023. Janë arrestuar dy të dyshuar meshkuj kosovarë, pasi që në muajin tetor – nëntor të vitit 2023, njëri i dyshuar i kishte dhënë para të dyshuarit tjetër në mënyrë që ta kryente vrasjen e viktimës mashkull kosovar, ose t’i shkaktonte dëme të mëdha.

Pas intervistimit me vendim të prokurorit, të dyshuarit janë dërguar në mbajtje”, njofton Policia e Kosovës. /Reporteri.net/