Ngjarjet e datës 17 maj 2024:

Komisioni për Administratë Publike mban dëgjim publik për ndryshim-plotësimin e Ligjit për zyrtarët publikë. (Kuvendi i Kosovës, salla N-506, ora 10:00)

Mbahet aktivitet ekonomik me rastin e 10-vjetorit të themelimit të Rrjetit Global të Bizneseve Shqiptare. (Hotel “Emerald”, Prishtinë, ora 10:00)

Ministria e Administrimit të Pushtetit Lokal lanson shërbimin e-Komuna, pjesë e platformës shtetërore e-Kosova. Marrin pjesë kryeministri Albin Kurti, ministri i Punëve të Brendshme Xhelal Sveçla, ministri i Administrimit të Pushtetit Lokal Elbert Krasniqi dhe kryetarët e komunave. (Qeveria e Kosovës, salla P-38, ora 11:00)

Shoqata e Naftëtarëve të Kosovës mban mbledhjen e Kuvendit. (Oda Ekonomike e Kosovës, Prishtinë, ora 11:00)

Komisioni Hetimor Parlamentar për procesin e subvencionimit të blerjes së teksteve shkollore dhe mjeteve mësimore për nxënësit e nivelit të arsimit fillor dhe arsimit të mesëm të ulët për vitin shkollor 2023/2024, mban diskutim rreth listës së dokumenteve dhe listës së dëshmitarëve për hetim parlamentar.
(Kuvendi i Kosovës, salla N-204, ora 13:30)

Centre for Equality and Liberty (CEL Kosova) sjell ekspozitën e fotografes Majlinda Hoxha “Quein.” (Hotel “Grand”, kati i pestë, Prishtinë, ora 18:00)