Një përleshje me armë zjarri ka ndodhur para pak minutash në rrugën “Muharrem Fejza”, në Lagjen e Spitalit. Aty ka humbur jetën një person, derisa tre të tjerë janë plagosur.

Një person i huaj në Prishtinë është parë duke i ndihmuar njërit prej personave që kanë mbetur të plagosur gjatë ditës së sotme.

Në videot e publikuara befasisht shihet se vetëm një person që fliste anglisht ka shkuar për t’i ndihmuar të plagosurit.

“Mos u bëni budallenj, më sillni diçka për ta ndihmuar, më sillni një bluzë mos shikoni si idiotë ejani ta ndihmojmë”, dëgjohet duke thënë ai.

Aty dëgjohet duke thirrur disa herë ndihmë në gjuhën angleze, por askush nuk shkon për ndihmë nga qytetarët. Më pas Policia e Kosovës dhe mjekët nga QKUK janë parë duke provuar t’i ndihmojnë.