Një ngjarje e rëndë ka tronditur Shqipërinë, ku 31-vjeçari Erald Nevruzi, dyshohet se është privuar nga jeta në mënyrë makabre. I dyshuar për vrasjen e tij është Gerald Shehu, pronari i hotelit ku viktima punonte si recepsionist në Dhërmi, transmeton Gazeta Online Reporteri.net.

Siç raporton TCH, Shehu hyri në një dhomë të hotelit ku punonte Nevruzi, duke përdorur alibi për të fshehur praninë e tij.

Në atë moment, ai vepronte me bashkëpunëtorët e tij, Daniel Qose dhe David Lartin.

Së bashku, ata shpërndanë fshehurazi gjurmët e vrasjes: larguan rrobat dhe sendet personale të viktimës dhe i dogjën ato në një furrë për pjekjen e picave. Pas kësaj rituali makabër, trupin e zhveshur e futën në një mjet tip Audi A8, duke e zhvendosur atë larg hotelit.

Ngjarja e tmerrshme ndodhi rreth orës 1 të mëngjesit, ndërsa autori u largua për në Greqi në orën 5, duke pasur kohë për të marrë pasaportat dhe letrat e nevojshme për udhëtim. Duke udhëtuar në rrugën nga Dhërmiu në Sarandë, ai bëri një ndalje të shkurtër për të hedhur trupin e viktimës, siç konfirmohet nga kamerat e sigurisë në rrugë dhe në biznese të zonës.

Pas të gjitha këtyre ngjarjeve të frikshme, autori fshehu mjetin në një magazinë të vjetër pranë portit detar në Sarandë, për të vazhduar më pas udhëtimin drejt Anglisë. Por, përpjekjet e tij për të shpëtuar u ndalën menjëherë pas arrestimit nga Policia vlonjate në bashkëpunim me Interpolin Grek.

Detajet e tmerrshme të ngjarjes dhe veprimet e shpejta të autoriteteve kanë sjellë qetësinë në zonë, ndërsa dokumentacionet për ekstradimin e autorit janë në proces për të siguruar drejtësinë për viktimën dhe për të zbardhur këtë akt të mjerueshëm të dhunës.

U vra nga pronari, gjendet trupi i recepsionistit të hotelit në Dhërmi