Amir Rrahmani është një ndeshje larg që të bëhet futbollisti me më së shumti paraqitje me fanellën e Kombëtares së Kosovës

Amir Rrahmani dje ishte kapiten i Kosovës në ndeshjen ndaj Çekisë, të cilën ‘Dardanët’ e fituan me rezultat 2-1, shkruan Reporteri.net

Mbrojtësi i Hellas Veronas deri tani ka realizuar 25 paraqitje me fanellën e Kosovës, derisa po kaq paraqitje ka edhe kapiteni Samir Ujkani.

Të martën Kosova luan me Anglinë në Southampton dhe Rrahmani pritet të jetë titullar dhe kështu do ta realizojë paraqitjen e 26-të me ‘Dardanët’, që do të thotë se ai do të behët futbollisti me më së shumti paraqitje në Kombëtaren tonë.

Ndryshe, Kosova i shkon Anglisë si e pamposhtur në 15 ndeshjet e fundit. /Reporteri.net/