Albert Zogaj është zgjedhur edhe për një mandat në krye të Këshillit Gjyqësor të Kosovës (KGJK), përcjell Reporteri.net.

Shefi i EULEX-it, Giovanni Pietro Barbano, e uroi Albert Zogajn për rizgjedhjen e tij si Kryesues i Këshillit Gjyqësor të Kosovës (KGJK).

“Përgëzimet e mia të sinqerta Albert Zogajt për rizgjedhjen e tij si Kryesues i KGJK-së. EULEX-i vazhdon të jetë partner i palëkundur i KGJK-së dhe mezi presim vazhdimin e bashkëpunimit tonë”, shkroi Barabno në X.

Zogaj, tha se shpreson se Qeveria dhe Kuvendi, por edhe publiku të ndryshojë qasjen lidhur me besimin në sistemin e drejtësisë pasi që mosbesimi në gjyqësor dëmton jo vetëm gjyqësorin, por edhe qytetarët e veçanërisht Republikën e Kosovës në rrugën drejt integrimit evropian.

“Shpresoj se edhe qasja e Qeverisë dhe e Kuvendit edhe e publikut të ndryshojë sepse narrativi i mosbesimit në sistemin gjyqësor nuk e dëmton vetëm gjyqësorin, por e dëmton qytetarin, gjyqësorin, por në mënyrë të veçantë e dëmton Republikën e Kosovës në rrugën e integrimit dhe vlerësimit ndërkombëtar”, tha Zogaj.

Zogaj: Shpresoj që qasja e krijuar ndaj gjyqësorit të ndryshojë, narrativa e mosbesimit dëmton Kosovën