Franca mposhti bindshëm Kombëtaren e Shqipërisë me rezultat 4:1 në një ndeshje që u luajt të shtunën për kualifikueset Euro 2020.

Shqipëria që nuk po e gjen veten që pas largimit të trajnerit historik, Gianni de Biasi i ka humbur shpresat për ndonjë plasman në Euro 2020, shkruan Reporteri.net

Megjithatë, tek Kombëtare shqiptare ishte një lojtar që u dallua nga të tjerët në fushë, e ai ishte ‘pitbulli’ Keidi Bare.

Madje në një moment të lojës, futbollisti shqiptar trullosi dy yjet franceze, Antoine Griezmann e Thomas Lemar, duke i bërë ata të duken qesharak.

Me anëtarin e Barcelonës vallëzoi pak ndërsa anësorit e Atletico Madridit – ia çeli një imellë./Reporteri.net/