Policia e Kosovës ka arritur që të arrestojë edhe një person të dyshuar lidhur me vdekjen e 26-vjeçarit në Prizren, i cili humbi jetën si pasojë e plagëve të marra nga therja me thikë, raporton Gazeta Online Reporteri.net.

Përmes një komunikate për media, Policia njofton se arrestimi i H.B., 29-vjeçar, është bërë me dyshimin se është i përfshirë në rastin në fjalë dhe i njëjti më pas është shoqëruar në stacion policor për intervistim.

“Njësiti i hetimeve rajonale të policisë ne Prizren me datën 08.07.2024,përmes rrugëve operative ka arritur që të lokalizoj dhe arrestoj  të dyshuarin: H.B (viti i lindjes 1995), mashkull kosovar shqiptar).

Arrestimi i tije është bërë me dyshimin se i njëjtit ka qenë i përfshirë në një rast Lëndim i  rëndë trupor nga neni 186,pargrafi 5,Moasdhenja e ndihmës neni 188 paragrafi 4 si dhe Moslajmërimi i veprave penale apo kryeseve të tyre neni 378,par.1.pika 1.3,i cili ka ndodhur me datën 06.07.2024, në lagjen Bazhderana  ne Prizren..I dyshuari është shoqëruar ne SRH-Prizren, ku ne prani te avokatit mbrojtës është intervistuar”, thuhet në njoftim.

Sipas Policisë, i dyshuari ka qenë në dijeni për veprën penale si dhe kryesin e veprës penale, por i njëjti s’e ka lajmëruar rastin në Polici dhe nuk i ka ndihmuar viktimës.

“I dyshuari, ka qene ne dijeni për veprën penale si dhe kryerësin e veprës penale, i njëjti nuk e ka lajmëruar veprën penale si dhe kryesin e saj, po ashtu nuk i ka ofruar ndihme viktimës. Ne lidhje me rastin ne cilësinë e provave materiale është sekuestruar një automjet me targa vendore, pronë e te dyshuarit H.B”, njofton Policia.

Me urdhër të prokurorit, i dyshuari është ndaluar për 48 orë.

Ndryshe, lidhur me rastin është arrestuar fillimisht një shtetas i Turqisë.

“Lidhur me rastin është arrestuar një i dyshuar mashkull shtetas i Turqisë. Me vendim të prokurorit trupi i pajetë i viktimës është dërguar në Institutin e Mjekësisë Ligjore për autopsi, kurse i dyshuari është dërguar në mbajtje”, thuhet në raportin 24-orësh të Policisë.

Një shtetas turk arrestohet për rastin e therjes së 26-vjeçarit në Prizren, që vdiq në QKUK

26-vjeçari ka humbur jetën në Qendrën Klinike Universitare të Kosovës, një ditë pasi dyshohet se mori lëndime të rënda trupore si pasojë e therjes me thikë.

Sipas Policisë ai dyshohet se ishte therur dhe më pas ishte hedhur në rrugë nga një veturë.

Vdes 26 vjeçari që u ther mbrëmë në Prizren