Dy kamionë dhe një veturë janë dëmtuar mbrëmë nga zjarri që shpërtheu një orë pas mesnate në pjesën veriore të Mitrovicës.

Ata ishin të parkuar para  një objekti në këtë pjesë.

Zjarri që përfshiu dy kamionë dhe një veturë, është shuar me shpejtësi nga zjarrfikësit, transmeton gazeta online Reporteri.net.

Hetimet janë kryer mbrëmë dhe sot nga pjesëtarë të Policisë së Kosovës, ndërsa informacionet e para thonë se se bëhet fjalë për zjarrvënie.

Policia ka thënë për KoSSev se dy kamionë, përkatësisht motorët e tyre janë djegur nga persona të dyshimtë.

“Sot në mëngjes, pak para orës 01:00, policia e Kosovës ka vërejtur një zjarr në rrugën Kral Petri në Mitrovicën Veriore. Dyshohet se persona të dyshimtë i kanë vënë flakën dy kamionëve (motorëve) që ishin të parkuar para magazinës. Nga zjarri është dëmtuar edhe makina”, thuhet në njoftimin e policisë.

Ata konfirmojnë se nuk ka të lënduar.

Sipas Kossev bëhet fjalë për kamionë që përdoren për nevoja të magazinës ushqimore në këtë pjesë të qytetit, në pronësi të një shqiptari.