Policia e Kosovës në Gjilan ka rrestuar një person, pasi dyshohet se i njëjti në muajin maj pas një konflikti fizik e kishte therur me thikë një person tjetër, në pjesë të ndryshme të trupit, shkruan Reporteri.net.

Në njoftimin e policisë bëhet e ditur se pas intervistimit i dyshuari është dërguar në mbajtje dhe ndaj tij është ngritur kallëzim penal për veprën penale “Vrasje në tentativë”.

Komunikata:

Arrestohet i dyshuar për vrasje në tentativë

Gjilan, 11 korrik 2024

Njësiti i hetimeve rajonale Gjilan si rezultat i veprimeve operative hetimore, me datën 11.07.2024 ka arritur që të lokalizoj dhe arrestoj të dyshuarin G.E. (viti i lindjes 1987, mashkull kosovar).

Arrestimi i tij është bërë me dyshimin se i njëjti me datën 06.05.2024 rreth orës 18:20 në qytetin e Gjilanit pas një konflikti fizik dyshohet se me një mjet të mprehtë kishte therur viktimën mashkull kosovar në pjesë të ndryshme të trupit duke i shkaktuar lëndime të lehta trupore, për të cilat lëndime viktima ka pranuar tretman mjekësor.

I njëjti ishte larguar më pas nga vendin i ngjarjes dhe ishte vënë në kërkim policor.

Me urdhër të Prokurorit të Shteti i dyshuari pas intervistimit është dërguar në mbajtje për 48 orë dhe ndaj tij do të ngritët kallëzim penal për veprën penale ‘’Vrasje në tentativë’’, rast i cili do të procedohet në prokurorinë themelore.