Trajneri i Përfaqësueses së Kosovës, Bernard Challandes ka publikuar formacionin me të cilin synon t’i bëjë ballë Anglisë së Gareth Southgate.

Ai ka bërë dy ndryshime për dallim nga formacioni që ai hodhi në fushë për ndeshjen ndaj Republikës Çeke, shkruan Reporteri.net

Edon Zhegrova dhe Elbasan Rashani kanë lëshuar vendet për Valon Berishën e Florent Muslija, të dy këta që u treguan vendimtarë në ndeshjen e fundit, me Valonin që asistoi e me Muslijën që tregoi shpirtin luftarak.

Edhe homologu i Challandes, trajneri anglez Gareth Southgate ka startuar me formacionin më të mirë të mundshëm.

Formacionet zyrtare:

Kujtojmë që Kosova gjendet në pozitën e dytë të grupit A me 8 pikë të tubuara, një më pak sesa Anglia që kryeson grupin./Reporteri.net/