Valencia e ka shkarkuar trajnerin, Marcelinhon, me këtë të fundit që pretendon se arsyeja kryesore pse u shkarkua nga klubi është triumfi në Kupën e Mbretit

Shkarkimi i Marcelinhos bëri bujë të madhe në Spanjë, derisa fillimisht flitej se kishte mosmarrëveshje dhe përplasje të shpeshta mes tij dhe klubit, por e vërteta qëndron ndryshe, shkruan Reporteri.net

Marcelinho ka thënë se drejtuesit e klubit nuk dëshironin që Valencia ta fitonte Kupën e Mbretit.

“Ishte një rrufe në qiell të pastër. Nuk e prisja, por jam i sigurt që shkak i divorcit është fakti që fituam Kupën e Mbretit,” ka thënë Marcelinho.

“Gjatë sezonit kam marrë mesazhe të vazhdueshme nga njerëz pranë klubit, për të mos e fituar këtë trofe, ndaj mendoj se fakti që ia dolëm, më penalizoi. Kur takova presidentin Lim, më komplimentoi për arritjen në zonën Champions, por nuk tha asnjë fjalë për Kupën e Mbretit. Gjithsesi unë jam një trajner fitues, që arrita objektivat dhe ndihem krenar për këtë,”. /Reporteri.net/