Nervozizmi i Sadio Mane ndaj Mohamed Salah që nuk i kishte pasuar topin në ndeshjen e fundit duket se është histori e harruar.

Sulmuesi senegalez mbeti i pakënaqur në fund të ndeshjes ndaj Burnleyt pasi egjiptiani nuk i kishte pasuar topin për të shënuar gol.

Pamjet e shpërthimit të tij në bankinë bënë xhiron e rrjeteve sociale dhe për disa ditë, në Angli nuk flitej për asgjë tjetër veç për “divorcin” mes dy yjeve të Liverpoolit.

Por, për të rivendosur paqen ka menduar vetë Salah, i cili ka postuar sot një video-montazh, i cili është bërë ndër më të klikuarit në rrjetet sociale.

Aty shfaqen Salah dhe Mane si dy fëmijë të vegjël që takohen dhe përqafohen duke u argëtuar me njëri-tjetrin, ndërsa shoqërohen nga babai i cili ka fytyrën e Klopp.

Salah e ka shpërndarë këtë video në rrjetet sociale dhe menjëherë ajo ka pasur me miliona klikime, duke u bërë “hit” për tifozët e Liverpulit e jo vetëm.

?? pic.twitter.com/u8xoNZeslk

— Mohamed Salah (@MoSalah) September 13, 2019