Joe Biden dhe Zonja e Parë Jill mbërritën në Ground Zero në një ceremoni për të përkujtuar 11 shtatorin.

Ata shoqëroheshin nga Barack dhe Michelle Obama, si edhe Bill dhe Hillary Clinton, të gjithë të pajisur me maska mbrojtëse.

Ceremonia për përkujtimin e 11 shtatorit u hap me një minutë heshtje në 8:46, kur avioni i parë u përplas pas Kullës Veriore.

Bruce Springsteen doli në skenë pas minutës së dytë të heshtjes, e mbajtur për të përkujtuar rrëzimin e aeroplanit të dytë në Kullën Jugore dhe këndoi “I’m See in My Dreams”.

“Ditët që pasuan 9/11 na kujtojnë se uniteti është i mundur në Amerikë. Uniteti është thelbësor: është thelbësor për prosperitetin tonë, për sigurinë tonë kombëtare”, tha zëvendëspresidentja Kamala Harris, duke i bërë jehonë thirrjes së presidentit Biden për unitet.

Harris ndodhet në Shanksville, Pensilvani, ku u rrëzua Fluturimi 93 për në Uashington.