Blinken arrin në Izrael, do të takohet me kryeministrin Netanyahu

Sekretari amerikan i Shtetit, Antony Blinken mbërriti në Izrael në fillim të një turneu në Lindjen e Mesme të martën, që kishte për qëllim ngritjen e armëpushimit në Gaza.


Blinken, i cili zbarkoi në Aeroportin Ndërkombëtar Ben Gurion të martën herët, është zyrtari më i lartë amerikan që viziton rajonin që kur presidenti Joe Biden mori detyrën.

Ai u mirëprit nga ministri i Jashtëm izraelit Gabi Ashkenazi dhe zyrtarë të tjerë, transmeton Klankosova.tv.

Blinken do të takohet me kryeministrin Benjamin Netanyahu, i cili po lufton për jetën e tij politike pas zgjedhjeve të katërta pa përfundim në dy vjet.

Netanyahu përballet me kritika në rritje nga izraelitët të cilët thonë se ai e përfundoi ofensivën para kohe, pa ndaluar me forcë sulmet me raketa palestineze ose duke u dhënë një goditje më të rëndë militantëve të Hamasit në Gaza, raporton AP.