Mirjana Markoviq, ish-gruaja e “Kasapit të Ballkanit” Sllobodan Millosheviq, ka vdekur dje në moshën 76-vjeçare.
Ajo vdiç dje në Rusi, atje ku po gëzonte statusin e refugjatit politik dhe nuk mund të arrestohej aty sipas rendit të Interpolit serb, pasi që në vitin 2005, Serbia kishte lëshuar urdhër arrest për të, shkruan Reporteri.net
Lidhur me vdekjen e saj ka reaguar edhe ministri i Jashtëm i Serbisë Ivica Dacic. Ai ka thënë se e respektonte atë pa marrë parasysh dallimet.
“Ne mund të mos kemi pasur gjithmonë mendime të njëjta, por gjithmonë e respektoja atë, si gruaja e Sllobodan Millosheviqit”, tha ministri i Jashtëm, Ivica Daçiq, për mediat serbe.
Kujtojmë që ajo konsiderohej si krah i djathtë i Sllobodan Millosheviqit, udhëheqësit më famëkeq të pasluftës së dytë botërore, nga politikat e të cilit më së keqi e pësuan shqiptarët, boshnjakët e kroatët./Reporteri.net/.