Pas vendimit të Shteteve të Bashkuara për të shpallur Gardën Revolucionare të Iranit si organizatë të huaj terroriste, deputetët iranianë filluan seancën e sotme parlamentare me thirrjet “Vdekja Amerikës”, shkruajnë mediet e huaja, transmeton Reporteri.net.
Shumë deputetë kishin veshur uniformat e rojeve Revolucionare për të treguar mbështetje për këtë formacion të armatosur të elitës. Kryetari i parlamentit iranian Ali Laridzani tha se vendimi i SHBA-ve që të deklarojnë rojet revolucionare si një organizatë terroriste është “kulmi i marrëzisë dhe injorancës”.
نمایندگان #مجلس شورای اسلامی امروز همزمان با #روز_پاسدار و همچنین اعلام انزجار از اقدامات امریکا علیه #سپاه_پاسداران انقلاب اسلامی لباس مقدس پاسداری به تن کردند pic.twitter.com/lb7VfTkXT0
— خبرگزاری تسنیم ?? (@Tasnimnews_Fa) April 9, 2019
Irani iu përgjigj këtij vendimi duke shpallur të gjitha forcat e armatosura amerikane terroriste dhe e akuzoi vetë vendin për mbështetjen e terrorizmit.
Presidenti iranian Hasan Rohani ka akuzuar Shtetet e Bashkuara se janë “në ballë të terrorizmit ndërkombëtar”. Rohani tha se Garda Revolucionare “është përfshirë në luftën kundër terrorizmit që nga krijimi i saj”.
RIADi përshëndeti vendimin e WAITINGTON-it
Arabia Saudite mirëpriti vendimin e SHBA-ve për të shpallur Gardën Iraniane si organizatë terroriste. Arabia Saudite akuzoi Iranin për ndërhyrjen në punët e brendshme të Riadit dhe vendeve të tjera të Lindjes së Mesme. Irani dhe Arabia Saudite kanë qenë në një farë forme në gjendje lufte për vite, pasi mbështesin anët e kundërta në konfliktet në Siri dhe Jemen.
Garda Revolucionare është një organizatë paraushtarake e formuar gjatë Revolucionit Islamik në Iran në vitin 1979 me qëllim të mbrojtjes së qeverisë së re të atij vendi. Ajo i përgjigjet vetëm udhëheqësit suprem të Iranit dhe vepron në mënyrë të pavarur nga ushtria e rregullt iraniane./Reporteri.net