Franca ka shënuar rekord me 52,010 raste të reja pozitive me Covid-19 gjatë 24 orëve të fundit.

Dita e diele ka qenë dita e katërt radhazi që Franca ka raportuar shifrat më të larta që nga fillimi i pandemisë, shkruan CNN.

Ministria e Shëndetësisë ka deklaruar se shkalla e rasteve pozitive tani ka arritur në 17 për qind, e cila është më shumë se dyfishi i rasteve në Shtetet e Bashkuara të Amerikës.

Me rritjen e rasteve pozitive, është shtuar edhe numri i pacientëve të hospitalizuar. Që nga e shtuna rreth gjysma e shtretërve në kujdesin intensiv janë mbushur me pacientë.

Qeveria në Francë ka futur në shtetrrethim 54 nga 101 zonat administrative, duke kufizuar lëvizjen nga ora 21:00 deri në 6:00 të mëngjesit.