Gjuriq: Ua kemi borxh fëmijëve tanë që të mos e bëjmë armik Amerikën

Ardhja e delegacionit qeveritar amerikan në Beograd tregon se Marrëveshja e Washingtonit e arritur më 4 shtator po zbatohet me “shpejtësi vetëtime” – ka thënë drejtori i zyres për Kosovën në Qeverinë e Serbisë, Marko Gjuriq për televizionin PINK.


Ai ka shtuar se kjo po hap dyert e një kaptine të re në relacionet mes ShBA-ve dhe Serbisë, me theks të veçantë te ekonomia.

“Përgjegjësia jonë ndaj fëmijëve është që kurrë të mos e kemi armik një fuqi aq të madhe, si SHBA-ja” është shprehur Gjuriq.

Ai ka shtuar se është e rëndësishme që Kosova të mos mund të bëhet pjesë e Unesco-s pasi historianët shqiptarë janë gjithnjë e më të zëshëm në përvetësimin e kishave dhe manastireve serbe.