Një grua në Teksas dyshohet se sulmoi bashkëshortin e saj pasi ai nuk iu përgjigj pyetjes kur ajo e pyeti se a është e bukur.

Lizeth Guadalupe Ramirez, 20 vjeç, u arrestua të martën vonë pas incidentit të dyshuar, raporton Laredo Morning Times, duke cituar burime nga policia, transmeton Reporteri.net.

Raportohet se ajo u tha hetuesve se ishte burri ai që tentoi ta mbyste atë. Megjithatë, bashkëshorti dha një version tjetër të ngjarjes, duke thënë policisë se çifti ndodheshin në kinema kur ajo e pyeti nëse dukej bukur. Burri heshti dhe nuk u përgjigj. Pas kësaj pasoi grindja që i nxiti të ktheheshin në shtëpi.

Gjatë udhëtimit të tyre për në shtëpi, burri pretendon se ajo e goditi atë në mënyrë të papritur, gjë që vazhdoi edhe në shtëpi. Liezeth madje sulmoi edhe një anëtar të familjes që u përpoq të ndërhyjë, siç raportojnë mediat e huaja. Ramirez u ngarkua me  dy akuza për sulm dhe dhunë në familje./Reporteri.net