Vëllai i viktimës së masakrës në Christchurch ka zbuluar se ai e ka marrë vesh për vdekjen e të vëllait nëpërmjet Facebook-ut. 

Ramzan Ali u arriti të arratisej nga xhamia Al Noor pasi u fsheh prapa një stoli dhe u fotografua duke pritur për ndonjë lajm jashtë. Kur e pa videon e drejtpërdrejtë të sulmuesit në Facebook, ai e njohu trupin e vëllait të tij më të vogël Ashraf, 58 vjeç.

Ashraf, i cili jetonte në Fixhi, kishte qenë në Zelandë të Re duke vizituar vëllanë e tij kur u bë një nga 50 viktimat e vrasjes masive, njofton New Zealand Heraldm, transmeton Reporteri.net

Duke kujtuar momentin kur pa videon, Ramzani tha: “Ky është ai. E dija. ‘Nëntëdhjetë e pesë përqind, isha i sigurt. Pesë për qind brenda meje thoshte se ai mund të ketë mbijetuar”, u shpreh ai.

Ramzan, një inspektor i ushqimit, kishte ikur përmes një dritareje gjatë sulmit terrorist brenda xhamisë.

Duke e përshkruar vëllanë e tij, ai tha se Ashraf ishte një futbollist i talentuar dhe një biznesmen që mbante një kompani taksie. ‘Ai gjithmonë do të jetë me mua. Unë kurrë nuk do të jem në gjendje ta harroj atë”, tha ai./Reporteri.net