×
  • Lajme
  • Botë

    Italia emergjencë nga koronavirusi indian

    Reporteri
    01 Maj 2021 | 23:26

    Varianti indian rrezikon të mos ndalet në Itali pavarësisht kufizimeve të vendosura nga Ministria Italiane e Shëndetësisë. Në fluturimin e fundit për në Fiumicino nga India, 9% e pasagjerëve përfshirë dy anëtarë të ekuipazhit rezultuan pozitivë për koronavirusin. Dhe kjo pavarësisht se të gjithë kanë një certifikatë të negativitetit. Siç pranuan disa, ata blenë një certifikatë të falsifikuar para se të niseshin.


    Gazeta “Il Messaggero” sjell dëshmitë e disa pasagjerëve që mbërritën në Fiumicino nga New Delhi të mërkurën në mbrëmje.

    “Unë nuk e bëra tamponin, por pagova që të më lëshonin një certifikatë false me vulë”, thotë një nga 223 pasagjerët, i cili sapo arriti në Itali i’u nënshtrua menjëherë një tamponi të shpejtë.

    Sipas gazetës italiane disa pasagjerë që mbërrinin në Fiumicino nga New Delhi kishin falsifikuar testin për Covid-19.

    “Me 30 dollarë mund të marrësh avion edhe nëse je i sëmurë”, janë shprehur pasagjerët.

    Kështu ishte e mundur të anashkalohej detyrimi që parashikohet gjithashtu në Indi. Sidoqoftë, janë vetë mediat indiane ato që tregojnë për tregun e zi të certifikatave false, laboratorë që falsifikojnë raporte. Mediat gjithashtu shkruajnë se ka shumë të tjerë janë ende në lëvizje duke i lejuar kështu pacientët me Covid të infektojnë popullatën.

    Ata që mbërrijnë në Itali nga India duhet edhe nëse janë negativë ndaj tamponit, të karantinohen për 14 ditë. Këshilltari shëndetësor i Lazios, Alessio D’Amato, ka reaguar ashpër ndaj këtij skandali dhe është shprehur se ekziston mundësia se një punëtor që është kthyer nga India nuk e lexon urdhëresën për Covid-19 dhe mund që të mos izolohet.

    Ekspertët janë shprehur se nëse varianti indian i Covid rezulton të jetë ndër më infektivët, atëherë rreziku që një kurbë epidemie të rritet përsëri është me të vërtetë i lartë.

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!