×
  • Lajme
  • Botë

    Italia shënon shifër rekorde prej 368 viktimave të reja të koronavirusit për 24 orë

    Reporteri
    16 Mars 2020 | 15:37

    Vetëm gjatë të dielës, në Itali kanë vdekur 368 veta nga koronavirusi. Kjo shifër paraqet rekord ditor prej fillimit të përhapjes së virusit Covid-19.


    Qeveria italiane e ka miratuar pakon ekonomike prej 25 miliardë eurove për t’i përkrahur sektorët e ndryshëm që janë prekur nga përhapja e madhe e koronavirusit. Lajmin e bëri të ditur një burim qeveritar.

    Kjo pako ka për qëllim që ta zvogëlojë efektin negativ në ekonomi, i cili ka ardhur pas masave të ashpra për kufizimin e lëvizjes. Shkollat, dyqanet dhe restorantet janë mbyllur, ndërsa janë anuluar të gjitha ngjarjet sportive.

    Organet shtetërore kanë kërkuar nga qytetarët që të qëndrojnë brenda shtëpive dhe banesave të tyre dhe të dalin vetëm atëherë kur kanë nevoja jetike, shkruan “Reuters”.

    Në vendimin e qeverisë italiane përfshihet edhe anulimi i përkohshëm i pagesës së borxheve nga kompanitë dhe rritjen e fondeve për pagat e punëtorëve.

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!