×
  • Lajme
  • Botë

    Miliarderit danez iu vranë tre fëmijët në Sri Lankë: Vajza e tij postoi një foto në Instagram duke mos e ditur se është fotoja e tyre e fundit

    Reporteri
    23 Prill 2019 | 14:04

    Miliarderi 46 vjeçar danez Anders Holch Povlsen, pronar i rrjetit ASOS, në sulmin terrorist që ndodhi dy ditë më parë në Sri Lankë ka humbur të tre fëmijët.


    Povslen është pronari i dytë privat më i madh në Britaninë e Madhe dhe aksioneri më i madh i ASOS, transmeton Reporteri.net.

    Milioneri Povselen është pronar i rrjetit ndërkombëtar të dyqaneve të veshjeve  që përfshinë markat e njohura të modës Vero Moda dhe Jack & Jones, aksioneri më i madh i dyqanit online britanik online ASOS dhe aksionari i dytë më i madh i dyqanit gjerman Zalando.
    Lajmi për këtë ngjarje tragjike u konfirmua nga Dzesper Stubkier, drejtor i komunikimit në Bestseler.

    Një dëshmitar me emrin Kieran Arasaratnam  tha të dielën për BBC se e ka parë miliarderin i cili humbi tre fëmijë në sulmin me bomba në hotelin Sangrila.

    https://www.instagram.com/p/BwO-AbtDdHS/?utm_source=ig_embed

    “Lutuni, lutuni për mua”, thoshte ai, rrëfen ky dëshmitar.
    Arasaratnam më vonë në rrjetin social Facebook shkroi:”Familja daneze me tre fëmijë. Prindërit kanë mbijetuar. Fëmijët me sa duket kanë humbur jetën. Kam tre fëmijë dhe saktësisht e di se si mund të ndihen tani”.
    Një nga vajzat e Povlesen, Alma Storm Holl Povslen, disa ditë më parë kishte postuar në llogarinë e saj në Instagram një foto të motrave të saj Astrid, Agnes dhe vëllait të vogël Alfred në Sri Lanka duke mos e ditur se kjo është fotoja e tyre e fundit.
    Sipas Forbes, Povelsen është danezi  më i pasur në botë, me pasuri që arrin 7.9 miliardë dollarë amerikanë. Ai zotëron zotëron 89,000 hektarë tokë në Skoci, duke e bërë pronarin më të madh privat në atë vend.

     

    Në një seri sulmesh me bomba në kisha dhe hotele luksoze,  mbetën të vdekur 290 persona dhe qindra të tjerë u lënduan. Së fundmi u raportua se ISIS ka marrë përgjegjësinë për shpërthimet që kanë lënë më shumë se gati 300 njerëz të vdekur në Sri Lanka.

     

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!