Gazetarët e Sky News arritën të siguronin pamje nga ajo që ka mbetur nga Berguza.
Zona është mbushur me rrënojat e kamionëve dhe makinave dhe nëse diçka ka mbetur nga shtëpitë, ato gjithashtu janë shkatërruar, transmeton Reporteri.
Ish xhihadistët tani janë bërë refugjatë. Gratë e tyre po enden mes automjeteve të djegura që tani përfaqësojnë një çati mbi kokat e tyre.
“Ditët e fundit ishin të tmerrshme”, tha Sana nga Finlanda.
Në ditët e kaluara, SDF evakuoi mijëra civilë dhe veçanërisht burrat që ishin në gjendje të luftonin ishin të tronditur. Ata ndahen në tri grupe – sirianë, irakianë dhe kombësi të tjera.
Meqenëse një numër i madh luftëtarësh u dorëzuan, besohet se numri i atyre që kanë mbetur në kështjellën e fundit xhihadiste është gjithnjë e më i vogël.
Megjithatë, SDF beson se ka ende disa qindra xhihadistë të gatshëm për zgjidhjen përfundimtare. /Reporteri.net