Coronavirusi po përhapet në Francë më shpejt sesa në kulmin e valës së parë në pranverë, ndërkohë që Presidenti Emmanuel Macron është shprehur se Franca do të duhet të jetojë me coronavirusin të paktën deri në verën e ardhshme.

Macron ishte për një vizitë në një spital në Pointoise, afër Parisit, nga ku tha se nuk kishte plane në këtë fazë për të zvogëluar shtetrrethimin, i cili synon parandalimin e përhapjes së virusit.

“Kur dëgjoj shkencëtarët shoh se parashikimet janë në rastin më të mirë deri në Verën e ardhshme,” tha ai, duke shtuar se ishte shumë herët të thuhej nëse Franca po shkonte drejt bllokimeve të reja të plota ose të pjesshme.

Franca raportoi 41,622 raste të reja COVID-19 të Enjten, një rekord i ri ditor, ndërkohë që në vend janë njoftuar planet për të zgjatur një shtetrrethim në 38 departamente të tjera administrative nga mesnata e së Premtes. Në tërësi, dy të tretat e 67 milion popullsisë së vendit do të jenë të mbyllur brenda natës nga ora 21:00 deri në 6 të mëngjesit deri në fillim të dhjetorit./Reuters