Pas shtatë muajve, Biden flet në telefon me presidentin kinez

Presidenti kinez Xi Jinping ka folur në telefon me homologun e tij amerikan Joe Biden, për herë të parë pas shtatë muajve.


Një deklaratë e Shtëpisë së Bardhë tha se të dy udhëheqësit kishin “diskutuar përgjegjësinë e të dy kombeve për të siguruar që konkurrenca të mos kthehet në konflikt”.

Kjo është vetëm thirrja e dytë mes tyre që kur presidenti Biden mori detyrën.

Marrëdhëniet SHBA-Kinë kanë qenë të tensionuara, me përplasje për çështje si tregtia, spiunazhi dhe pandemia.

“Të dy udhëheqësit patën një diskutim të gjerë strategjik në të cilin ata diskutuan fushat ku interesat tona konvergojnë dhe fushat ku interesat, vlerat dhe perspektivat tona ndryshojnë”, shtoi deklarata e Shtëpisë së Bardhë.

“Ky diskutim, siç e bëri të qartë presidenti Biden, ishte pjesë e përpjekjes së vazhdueshme të Shteteve të Bashkuara për të menaxhuar me përgjegjësi konkurrencën midis Shteteve të Bashkuara dhe Republikës së Kinës”.