Pfizer Inc dhe Moderna Inc kanë rritur çmimet e vaksinave të tyre kundër COVID-19 në kontratat e tyre të fundit të furnizimit me Bashkimin Evropian, raportoi Financial Times të dielën.

Çmimi i ri për dozën e Pfizer ishte 19.50 euro (23.15 dollarë) kundrejt 15.50 euro sa ishte më parë, sipas gazetës, duke cituar pjesë të kontratave të shikuara, transmeton Telegrafi.

Në anën tjetër, çmimi i një vaksine Moderna ishte 25.50 dollarë në dozë, tregojnë kontratat, nga rreth 19 euro në marrëveshjen e parë të prokurimit, por më e ulët se 28.50 dollarë e rënë dakord më parë, sepse porosia ishte rritur, tha raporti, duke cituar një zyrtar për sa i përket çështjes, raporton Reuters.

Komisioni Evropian deklaroi të martën se BE-ja është në rrugën e duhur për të arritur një objektiv për të vaksinuar plotësisht të paktën 70 për qind të popullsisë së rritur deri në fund të verës.

Në muajin maj, BE tha se pret që të ketë marrë më shumë se një miliard doza vaksinash deri në fund të muajit shtator, nga katër prodhues të ilaçeve.