Një burrë nga Australia, i cili humbi gruan dhe vajzën në sulmet terroriste në Sri Lanka, i përshkroi ngjarjet si “të sëmura”.
Gjyqtari Colone rrëfeu se po priste jashtë kishës për Pashkë, kur një bombë shpërtheu në kishë, duke vrarë gruan e tij Manik Suriarachi dhe vajzën e tyre 10-vjeçare, Aleksandri.
“Humbja e gruas dhe vajzës … Nuk di si ta shpjegoj”, fillon ai rrëfimin e tij. Ai doli nga makina pak më herët sesa familja e tij dhe sapo doli pa tmerrin me sy, transmeton Reporteri.net.
“Isha afër kishës kur u dëgjua një shpërthim i madh. Vrapova brenda për të kërkuar gruan dhe vajzën time. E gjeta vajzën, por ajo tashmë ishte e vdekur. U përpoqa ta ngrija gruan. Ajo dëshironte të thoshte diçka, por i tërë trupi i saj ishte i përgjakur. E ngrita, dhe u nisa për në spital por gjatë rrugës, ajo vdiq”, tha ai duke qarë.
Ai e përshkroi vajzën e tij 10 vjeçare si “një person i veçantë që i pëlqente të vallëzonte dhe të kompozonte këngë”. “Jam i zemëruar, nuk di ç’të bëj. Këta njerëz janë me të vërtetë të sëmurë. Si mund ta bënte dikush këtë? Të vrasësh njerëz të pafajshëm në kishën e tyre…, pyet i trishtuar ai./Reporteri.net
Ky është rrëfimi i plotë i tij: